Zergerlik buıymdar naryǵynyń 90 paıyzy kontrabanda - senator

ASTANA. QazAqparat - Senator Ǵumar Dúısembaev qazaqstandyq zergerlerdiń jumysyn qıyndatyp otyrǵan kedergiler týraly Premer-Mınıstr Álıhan Smaıylovtyń atyna joldaǵan saýalynda aıtyp berdi, dep habarlaıdy QazAqparat tilshisi.

Depýtattyńsózine qaraǵanda, Qazaqstan altyn óndirý boıynsha álemniń TOP-20 eliniń qataryna kiredi. Biraq zergerlik otandyq óndiriske altyndy negizinen lombardtar men kóleńkeli naryqtaǵylar jetkizip keledi.

«Resmı statıstıkaǵa sáıkes, 2021 jyly eldiń zergerlik buıymdar naryǵy 76 mln AQSh dollaryn qurady, onyń ishinde tek 4 mln dollardyń taýaryn, ıaǵnı 5 paıyzyn ǵana otandyq zergerlik buıymdar óndirýshileri óndirgen. Qazaqstan zergerler lıgasynyń baǵalaýyna qaraǵanda, zergerlik buıymdar naryǵy 90% kontrafaktilik ári kontrabandalyq ónimnen turady», - dedi Ǵumar Dúısembaev Senattyń jalpy otyrysynda.

Senator elimizdiń zergerlik ónerkásibin damytýǵa, ıaǵnı jańa jumys oryndaryn ashýǵa jáne bıýdjet túsimderiniń ósýine baǵyttalǵan birqatar usynystar aıtty.

«Osy oraıda jumysty kóleńkeli ımportqa qarsy kúresti kúsheıtý jáne kontrabandany shekteý, yntalandyrý sharalaryn engizý arqyly qazaqstandyq zergerlik salanyń básekege qabilettiligin arttyrý, lombardtardyń paıdalanýda bolǵan zergerlik buıymdardy tek qana ishki naryqqa ótkizýin mindetteý, otandyq zergerlerdiń quzyretin kúsheıtýdi usynamyn», - dedi depýtat.

Foto: img.youm7.com