Zergerlik buıym óndirýshiler qosylǵan qun salyǵynan bosatylady
Atalǵan keńeske elimizdegi Baǵaly metall óndirýshiler qaýymdastyǵynyń músheleri men bıznes sýbektileri jınaldy. Bul oraıda Indýstrııalyq damý komıteti tóraǵasynyń orynbasary Turar Jolmaǵambetov zergerlik buıym óndirisindegi kóleńkeli aınalym, shıkizattyń joǵary quny men ımporttyq ónimmen salystyrǵanda teń básekelestiktiń saqtalmaýy jónindegi ózekti máselelerdi aıtty.
«Komıtet tarapynan salany damytý boıynsha arnaıy sharalar paketi ázirlendi. Olardyń biri Salyq kodeksindegi túzetýlerdi qaraý sheńberinde QR Parlamentiniń qoldaýyn tapty. Atap aıtqanda, altyn men kúmisti satyp alýǵa baılanysty QQS-nan bosatý. Norma kelesi jyldyń 1 qańtarynan bastap kúshine enedi. Esterińizge sala keteıik, otandyq zergerler úshin 2016 jyldan bastap jylyna 300 kılo altyn satyp alýǵa kvota belgilendi», - dedi T.Jolmaǵambetov.
Osy rette Senat depýtattary zergerlik salany yntalandyrý boıynsha basqa da birqatar sharany qoldaǵanyn aıta ketý kerek. Qazir komıtet zańnamalyq deńgeıde qosymsha sharalardy ilgeriletýdi josparlap otyr.
Sondaı-aq is-sharaǵa qatysýshylar baǵaly metaldy shıkizatty qaıta óńdep, tazartýǵa qaýqarly «Taý-Ken Altyn» affınajdy kásipornynyń óndiristik protsesimen tanysýǵa múmkindik aldy. Bul zaýyttyń jobasy baǵaly metaldardy affınajdaý boıynsha úzdik álemdik kompanııalardyń negizinde ázirlengenin aıta keteıik.