Zerendi turǵyny áleýmettik jelige jasóspirim qyzdyń atynan habarlama jiberip otyrǵan

ZERENDІ. QazAqparat – Áleýmettik jelide jasóspirim qyzdyń atynan ashqan jalǵan paraqsha arqyly habarlama jiberip otyrǵan Aqmola oblysynyń turǵyny ustaldy, dep habarlaıdy QazAqparat tilshisi.

Vedomstvonyń málimetinshe, Zerendi aýdanynyń 32 jastaǵy turǵyny «Synyptastar» áleýmettik jelisinde jasóspirim qyzdyń atynan jalǵan paraqsha ashqan. Muny 20 jeltoqsanda Aqmola oblystyq PD krımınaldy polıtsııa qyzmetkerleri anyqtady.

«Oblys turǵyndary «15 jastaǵy beıtanys adamnyń» habarlamalaryn eriksiz oqýǵa májbúr bolǵan. Turǵyndar óńirdegi blogerlerden kómek suraǵan, al olar polıtsııaǵa júgingen. Krımınaldyq polıtsııa qyzmetkerleri er adamnyń qıyndyqqa ushyraǵan qyzdyń atynan úsh áıelge habarlama jibergenin anyqtady. Habarlamada ol týǵan ákesiniń azǵyndyq áreketin jan-jaqty sıpattaǵan», - deıdi vedomstvodan.

Polıtsııa qyzmetkerleri áleýmettik jelidegi jalǵan paraqshany ashqan adamdy tapty. Ol jalǵan paraqsha arqyly beıtanys áıelderge orynsyz habarlamalar jibergenin moıyndady. Avatardaǵy fotosýretti ol ınternetten júktep, aty-jónin oıdan shyǵarǵan.

«Osyǵan baılanysty Qylmystyq kodekstiń 274 babynyń «Kórineý jalǵan aqparat taratý» boıynsha sotqa deıingi tergeý sharalary júrgizilýde», - dep tolyqtyrdy vedomstvodan.