Zerendi aýdany ákiminiń orynbasary áli ákimshilik qamaýda

<p>ASTANA. KAZINFORM &ndash; Aqmola oblysynyń ákimi Marat Ahmetjanov mas kúıinde rýlge otyrǵan Zerendi aýdany ákimi orynbasarynyń 15 táýlikke qamaýǵa alynýyna qatysty pikir bildirdi.&nbsp;</p>

«Atalǵan azamat qazir ákimshilik qamaýda. Onyń bosap shyǵýy jáne odan ári memlekettik qyzmetti jalǵastyrýy máselesi komıssııanyń otyrysynda qaralady. Óz basym mundaı áreketti quptamaımyn jáne Іshki ister mınıstrligi engizgen mas júrgizýshilerdi anyqtaý sharalarynyń iske asyp jatqanyna razymyn. Olar azamattardyń ómiri men densaýlyǵyna qaýip tóndiredi. Sondyqtan men mundaı áreketterge óte qatal qaraımyn», - dep jaýap berdi Marat Ahmetjanov Úkimet otyrysynan keıin ótken baspasóz máslıhatynda. 

Mınıstrdiń málimdeýinshe, teris qylyqtylarǵa memlekettik qyzmette oryn joq. 

Eske sala ketsek, taıaýda Aqmola oblysynda mas kúıinde rýlge otyrǵan Zerendi aýdany ákiminiń orynbasary 15 táýlikke qamalǵany týraly habarlaǵan edik.