Zere Ótebaeva Májilis apparaty basshysynyń orynbasary qyzmetine taǵaıyndaldy
Májilis apparatynyń baspasóz qyzmetinen habarlaǵandaı, Zere Ótebaeva buǵan deıin QR Parlamenti Májilisi halyqaralyq ister, qorǵanys jáne qaýipsizdik komıtetiniń qyzmetin qamtamasyz etý bóliminiń meńgerýshisi qyzmetin atqardy.
Zere Orynbaıqyzy Ótebaeva Máskeý ekonomıka jáne quqyq ınstıtýtyn jáne Reseı ǵylym akademııasynyń áleýmettik-saıası zertteýler ınstıtýtynyń aspırantýrasyn bitirdi. Zańger, saıası ǵylymdar kandıdaty.
1999-2001 jyldary Qazaqstan Respýblıkasy aýyl sharýashylyǵy mınıstrliginde jumys jasady. 2001 jyldan osy kezge deıin Qazaqstan Respýblıkasy Parlamenti Májilisiniń apparatynda ártúrli laýazymdarda boldy. 2008 jyldan Qazaqstan Respýblıkasy Parlamenti Májilisiniń halyqaralyq ister, qorǵanys jáne qaýipsizdik komıtetiniń qyzmetin qamtamasyz etý bólimin basqardy.
Qazaqstan Respýblıkasynyń Qurmet gramotasymen, birneshe mereıtoılyq medaldarmen marapattalǵan.