«Zere» atty qazaqstandyq fılm Brazılııada ótetin kınofestıvalge qatysady

NUR-SULTAN. QazAqparat - Qazaqstandyq jas rejısserdiń tuńǵysh týyndysynyń tusaýy San Paýlý qalasynda ótetin halyqaralyq kınofestıvalde kesiledi, dep habarlaıdy QazAqparat.

Bul jaıynda Sháken Aımanov atyndaǵy «Qazaqfılm» kınostýdııasynyń baspasóz qyzmeti málimet taratty.

Rejısser Dáýren Qamshybaevtyń «Zere» tolyqmetrli debıýt kórkem fılmi San Paýlýdaǵy 45-shi halyqaralyq kınofestıvalde kórsetiledi.

São Paulo International Film Festival - jyl saıyn debıýtanttar arasynda ótetin kınofestıval.

Halyqaralyq deńgeıde bul festıvaldi Mostra dep te ataıdy.

Bıyl kınofestıval 21 qazan men 3 qarasha aralyǵynda ótedi. Al ashylý saltanaty 20 qazanda bolady.

Festıval úsh sektsııadan turady: halyqaralyq perspektıva, arnaıy prezentatsııa jáne debıýtanttar baıqaýy.

«Zere» fılmi debıýtanttar baıqaýynda baq synaıdy.

Aıta keteıik, «Zere» fılminde basty rólderde Berik Aıtjanov, Murat Bısembın, Olga Landına, Adına Bajan, Eljas Rahym jáne Sanurjan Súleımenov syndy akterler oınaıdy.

Túsirilim byltyr Jambyl oblysy Balqash kóliniń mańynda Taısoıǵan degen jerde júrgen.

Týyndy - Qara Production jáne Libertus Film ónimi.