«Zerde» qorynda Elektrondy úkimet serverin jańartýǵa múmkindigi bolǵan – Baǵat Mýsın

NUR-SULTAN. QazAqparat – QR Tsıfrlyq damý, ınnovatsııalar jáne aeoroǵarysh ónerkásibi mınıstri Baǵdat Mýsın Elektrondy úkimettiń serveri jyldar boıy jańartylmaýyna qatysty paıymyn aıtty, dep habarlaıdy QazAqparat tilshisi.

«Elektrondy úkimettiń serverlik ortalyǵynyń ınfraqurylymy 2010 jyldar qurylǵan bolatyn. ıAǵnı, 2010, 2012, 2014 jyldary men osy mınıstrlikte jumys istep júrgende serverlik ortalyq qurý jumystaryn bastaǵan bolatynbyz. 2008 jyldan bastalyp, 2010 jyly aıaqtalǵan.

Qazir Elektrondy úkimettiń serverlik ortalyǵynyń ınfraqurylymy shynymen de, tozyǵy jetip tur. 2016-2018 jyldary osy ınfraqurylymdy jańartý qajettiligi týyndaǵanda derekterdi óńdeıtin kommertsııalyq qurylymdarmen áriptestik ornatý qajet degen sheshim qabyldanǵan edi. ıAǵnı, «Zerdeniń» de, «Ulttyq aqparattyq tehnologııalar» aktsıonerlik qoǵamynyń da atalǵan derekterdi óńdeýshi kommertsııalyq uıymdardy jumysqa tartyp, olarmen durys ózara baılanys ornatyp, qajetti server resýrstaryn qamtamasyz etýge búkil múmkindigi bolǵan», - dedi mınıstr Úkimet otyrysynan keıin tilshilerge bergen suhbatynda.

Vedomstvo basshysynyń aıtýynsha, Tsıfrlyq damý mınıstrligi Elektrondy úkimettiń jumysyna ne áser etetinin zerdelep shyqqan kórinedi.

«Atalǵan ınfraqurylymdy jańartý úshin josparlar qabyldadyq. Taǵy da aıtamyn, búginde zańnama derekterdi óńdeıtin kommertsııalyq uıymdarmen áriptestik ornatýǵa ruqsat bar. Mysaly, «Transtelekomnyń» derekterdi óńdeý ortalyǵynyń 50 paıyzy bos tur. Osy sııaqty jumysqa tartýǵa bolatyn ortalyqtar jetkilikti. ıAǵnı, Elektrondy úkimettiń jumysyn múltiksiz qamtamasyz etýge bolatyn edi. Bul problemany sheshýdiń joldary bar jáne baıaǵydan, 2-5 jyl buryn bolǵan», - dedi Baǵdat Mýsın.