«Zenıt» Nuraly Álippen kelisimshartqa qol qoıdy

ASTANA. QazAqparat - Reseıdiń «Zenıt» komandasy qazaqstandyq fýtbolshy Nuraly Álippen kelisimshartqa otyrǵanyn málimdedi, dep habarlaıdy QazAqparat tilshisi.

Bul jóninde Sankt-Peterbýrg qalasy komandasynyń baspasóz qyzmeti málim etti.

«Komanda basshylyǵy jáne «Qaırat» klýby fýtbolshynyń tolyqqandy aýysýy týraly kelisimge keldi. Qazaqstan quramasynyń ortalyq qorǵaýshysymen kelisimshart «2,5 +1» júıesi boıynsha júrgiziledi», - dep jazylǵan habarlamada.

Nuraly Álip 1999 jyly dúnıege kelgen. 2018-2022 jyldarda Almatynyń «Qaırat» komandasy sapynda 74 oıynda 4 gol soqty.

2022 jyldyń basynda ony «Zenıt» jalǵa aldy. Sodan beri Reseı Premer-lıgasynda 4 kezdesýde jasyl alańǵa shyqty.

Eske salsaq, budan buryn «Qaısar» komandasyna jańa bas bapker taǵaıyndaldy.

Foto: fc-zenit.ru