«Zenıt-M» starttyq kesheni 2015 jyly Qazaqstannyń menshigine ótedi - T. Musabaev
Búgin Parlament Májilisinde «Qazaqstan Respýblıkasynyń ǵarysh salasyn qurý barysy» atty taqyryptaǵy Úkimet saǵatynda Qazaqstan Respýblıkasy Ulttyq ǵarysh agenttiginiń tóraǵasy Talǵat Musabaev osylaı málimdedi.
«Búgingi tańda «Zenıt-M» zymyrandyq keshenindegi Reseıge jalǵa berýden shyǵarylatyn nysandardyń tizimi bekitildi. Sonymen qatar, Reseı Federatsııasy tarapynan «Báıterek» keshenin qazaqstandyq uıymǵa berýdiń normatıvtik-tehnıkalyq jáne uıymdastyrýshylyq qujattary da ázirlengen. «Zenıt-M» starttyq kesheni nysandaryn Reseı Federatsııasyna jalǵa berý quramynan shyǵarý jáne ony Qazaqstan tarapyna berý 2015 jyldyń qańtaryna josparlanyp otyr», - dedi T. Musabaev.
Onyń aıtýyna qaraǵanda, aǵymdaǵy jyldyń jeltoqsan aıynda qazaqstandyq uıymnyń 49 qyzmetkerin «Zenıt» kesheni júıesi men agregattarynyń quramy men ony paıdalaný erekshelikterine qatysty oqytý jumystary aıaqtalady. Bul atalǵan keshendi jalǵa berýden shyǵarý barysynda tıisti jaǵdaıda qabyldap alý men ony odan ári paıdalaný úshin asa mańyzdy qadam bolyp tabylady.