«Zenchenko ı K» eńbek ujymy saılaýdy qoldaıdy
Qyzyljar aýdany Novonıkolskoe eldi mekeninde ornalasqan «Zenchenko ı K» komandıttik seriktestigi respýblıkadaǵy úlgili sharýashylyqtardyń biri. Mundaǵy barlyq áleýmettik nysan osy seriktestiktiń qarajatyna jóndelip, salyndy. Novonıkolskoe aýyly 28 jyldyń ishinde tanymastaı ózgerdi. Munda turǵyndardyń jaıly ómir súrýine bar jaǵdaı jasalǵan.
«Maýsymnyń 9-y kezekten tys ótetin Prezıdent saılaýy - elimiz úshin tarıhı mańyzdy qadam. Bizdiń tańdaýymyz - erteńgi bizdiń bolashaǵymyz. Bizdiń qazirgi jetken jetistigimiz - Tuńǵysh Prezıdent Nursultan Nazarbaevtyń jáne Elbasyna senim bildirgen qazaqstandyqtardyń arqasy. Endi Kóshbasshy kórsetken sara jolmen júretin, strategııalyq josparlardy ári qaraı júzege asyratyn, elimizdi bıik belesterge jetkizip, qazaq halqyn óz artynan jeteleıtin jańa Prezıdentti saılaý - bizge zor mindet», - dedi jıynǵa kelgen aýyl eńbekkerleri.
Ortalyq alańda bas qosqan dárigerler, ustazdar, ınjenerler men qarapaıym eńbek adamdary, zeınetkerler - óz tańdaýyn jasaýǵa ázir.
«El azamaty retinde 9-maýsym kúni saılaý ýchakesine baryp, óz tańdaýymdy jasaý - meniń paryzym dep bilemin. Jańa Prezıdentti saılaý elimizdiń jańa deńgeıde damýyna serpilis beredi dep esepteımin. Eń aldymen bul halyqaralyq jáne ultaralyq turaqtylyqty saqtaýǵa jáne Qazaqstannyń bolashaǵyn qurýǵa kómektesedi degen oıdamyn», - degen oıyn jetkizdi «Ajar» balabaqshasynyń meńgerýshisi Oksana Shvydko.