Zelenskıı Ýkraına Radasyn taratatynyn málimdedi

KIEV. QazAqparat - ÝKRINFORM - Ýkraına prezıdenti atanǵan Vladımır Zelenskıı Joǵarǵy Radanyń saltanatty otyrysynda ant berdi. Bul týraly QazAqparat Ýkrınformǵa silteme jasap habarlaıdy.

«Zelenskıı Ýkraına konstıtýtsııasy men Іnjilge qolyn qoıyp, ant mátinin oqydy. Otyrysqa qatysýshylar prezıdent antyn túregep turyp tyńdady. Osydan keıin otyrysqa tóraǵalyq etken Joǵarǵy Rada tóraǵasy Andreı Parýbıı prezıdent Zelenskııdi Joǵarǵy Radadaǵy Ýkraına prezıdentiniń ornyna jaıǵasýǵa shaqyrdy», - delingen habarlamada.

Ortalyq saılaý komıssııasynyń tóraıymy Tatıana Slıpachýk Vladımır Zelenskııge Ýkraına prezıdentiniń kýáligin tapsyrdy.

Konstıtýtsııalyq sot tóraıymy Natalııa Shaptala Vladımır Zelenskııge Prezıdent belgisin, shoqpar (býlava) men eltańba mórin berdi.

Sondaı-aq, Ýkraına prezıdenti segizinshi shaqyrylymdaǵy Joǵarǵy Radany taratatynyn jarııa etti.

Aıta keterligi, Ýkraına prezıdenti Vladımır Zelenskııdi ulyqtaý rásimine Qazaqstan Respýblıkasynyń joǵary deńgeıdegi delegatsııasy qatysty. Qazaqstan delegatsııasyn QR Parlamenti Senaty tóraǵasynyń orynbasary Bektas Beknazarov basqardy.

Eske salsaq, Ortalyq saılaý komıssııasynyń 30 sáýirde ótken otyrys hattamasyna sáıkes, Vladımır Zelenskıı Ýkraına prezıdenti bolyp saılandy.