Zelenskıı Ýkraına armııasy Reseı aýmaǵyn basyp alýǵa umtylmaıtynyn aıtty

NUR-SULTAN. QazAqparat - Ýkraına prezıdenti Vladımır Zelenskıı óz eliniń qarýly kúshteri júrgizip jatqan áskerı operatsııalar Reseı aýmaǵyna taralmaıtynyn málimdedi. Ol seısenbi kúni Al Arabiya telearnasyna bergen suhbatynda oqıǵalardyń qalaı órbıtini týraly óz nusqasyn aıtty, dep habarlaıdy QazAqparat.

«Ýkraına Qarýly kúshteri Reseı Federatsııasynyń aýmaǵynda áskerı operatsııalar júrgizip jatqan joq. Olar óz aýmaǵyn qorǵaý ústinde, Reseı jerin basyp alýǵa umtylmaıdy», - dedi Zelenskıı.

Al TASS aqparat agenttigi Belgorod, Brıansk jáne Kýrsk oblystarynyń aýmaǵy Ýkraına tarapynan birneshe ret mınomet pen artıllerııalyq shabýylǵa ushyraǵanyn jazdy. Reseıdiń áýe qorǵanys júıesi ushqyshsyz basqarylatyn birneshe ushaqty anyqtaǵan.