Zelenskıı 15 naýryzda Reseı-Ýkraına kelissózderiniń jalǵasatynyn habarlady

KIEV. TASS – QazAqparat - Bul týraly Ýkraına prezıdenti Vladımır Zelenskıı aıtty, dep habarlaıdy QazAqparat reseılik TASS agenttigine silteme jasap.

Ol Eýropalyq komıssııanyń basshysy Ýrsýla fon der Lıaıenmen, Polsha prezıdenti Andjeı Dýdamen, Lıýksembýrg Premer-Mınıstri Ksave Bettelmen sóıleskenin habarlady.

«Ózara túsinistik 100% - ǵa artty. Izraıl Premer-Mınıstri (Naftalı) Bennetpen áńgime de bul soǵysty tezirek jáne adal aıaqtaý úshin kelissózder júrgizýdiń bir bóligi retinde mańyzdy boldy. Bizdiń delegatsııa Reseı tarapymen kelissózderde de osy baǵytta jumys istedi. Maǵan habarlanǵandaı ázirge jaman emes, biraq biraz kóreıik. Erteń jalǵasady», - dedi Zelenskıı.

Dúısenbide onlaın formatta Reseı men Ýkraına delegatsııalary arasyndaǵy kelissózder ótti. Ýkraına prezıdenti keńsesi basshysynyń keńesshisi Mıhaıl Podolıaktyń aıtýynsha, Reseı Federatsııasy men Ýkraına delegatsııalarynyń kelissózderinde seısenbige deıin tehnıkalyq úzilis jasaldy.

24 aqpanda Reseı prezıdenti Vladımır Pýtın Donbass respýblıkalary basshylarynyń kómek suraǵan úndeýine jaýap retinde Ýkraınada arnaıy áskerı operatsııa júrgiziletinin habarlady. Ol Máskeýdiń josparlarynda Ýkraına aýmaqtaryn okkýpatsııalaý joq ekenin, maqsat eldi demılıtarızatsııalaý jáne ultsyzdandyrý ekenin atap ótti.