Іzdeýde júrgen eki qylmysker Túrkııadan elge qaıtaryldy

<p>ASTANA. KAZINFORM &ndash; Almaty qalasynyń prokýrorlary izdeýde júrgen eki qylmyskerdi Túrkııadan qaıtaryp aldy.</p>

Almaty prokýratýrasy zańnamany túsindirý arqyly aýyr qylmys jasaǵany úshin izdeýde júrgen Qazaqstan Respýblıkasynyń eki azamatyn óz erkimen qaıtarǵan.

«Qashqyndar Túrkııa Respýblıkasynyń aýmaǵynda 5 jyldan astam tergeý organdarynan jasyrynǵan.

28 naýryzda qala áýejaıynda olarǵa qatysty protsestik ustaý júrgizildi, eki fıgýrant ýaqytsha ustaý ızolıatoryna qamaldy», — dep jazdy Bas prokýratýradan.