Zaıyrly memlekette barlyq quqyqtar teń - Nurlan Ermekbaev

ASTANA. QazAqparat - Zertteýler nátıjeleri azamattardyń kóbi zaıyrlylyq qundylyqtaryn joǵaltyp alýǵa bolmaıtyn ıgilik dep esepteıtinin kórsetti. Bul týraly Astanada ótken halyqqa esep berý kezdezinde QR Din isteri jáne azamattyq qoǵam mınıstri Nurlan Ermekbaev málimdedi, dep habarlaıdy mınıstrliktiń baspasóz qyzmeti.

«Bul rette - zaıyrly memleket - ol ateıstik memleket emes ekenin atap ótkim keledi. Demek, zaıyrly memlekette túrli konfessııalardyń, ateısterdiń, agnostıkterdiń quqyqtary birdeı», - dedi mınıstr.

Prezıdent rýhanı jańǵyrý týraly maqalasynda Qazaqstannyń ejelden kele jatqan zaıyrlylyq dástúrleri bar ekenin atap ótti. Olardyń negizinde tózimdilik, beıbitshildik, dinge senetinder men senbeıtinderdiń quqyǵyn qurmetteý máseleleri jatyr.

«Kópkonfessıaly Qazaqstan úshin turaqtylyqty saqtaýdyń jalǵyz joly - zaıyrly memleket. Mundaı memlekettiń prıntsıpteri dinderdi saıasattandyrýǵa jáne ony paıdalana otyryp sanany aldap-arbaýǵa jol bermeıdi», - dep atap ótti Nurlan Ermekbaev.

Mınıstr Nurlan Ermekbaevtyń aıtýynsha osy maqsatta Mınıstrlik zańdarǵa engiziletin ózgerister toptamasyn ázirleýde. Qujatty daıyndaýda sarapshylar men ǵalymdardyń úlken toby birneshe aı jumys istedi.

Toptama negizin «Din salasyndaǵy 2017-2020 jyldarǵa arnalǵan memlekettik saıasattyń tujyrymdamasy» quraıdy. Ol memlekettik-konfessııalyq qarym-qatynastarǵa kózqarastar men tásilderdiń júıesin quraıdy.