Záıtún maıy bir jylda 21% qymbattaǵan

ASTANA. QazAqparat – Qazaqstanda tazartylǵan ósimdik maıynyń óndiris kólemi 8,1% azaıyp, tazartylmaı óndiriletin ósimdik maıynyń kólemi 36,3% artqan, dep habarlaıdy QazAqparat tilshisi.

Bul týraly Energyprom.kz resýrsy jazdy.

Qańtar-naýryz aralyǵynda qazaqstandyq óndirýshiler 171,4 myń tonna ósimdik maıyn naryqqa shyǵarǵan. Bul byltyrǵydan 23,7% artyq.

Sonyń ishinde tazartylyp óndiriletin ósimdik maıynyń kólemi bir jylda 8,1% azaıyp, 36,1 myń tonna bolsa, tazartylmaı óndiriletin maı kólemi 36,3% artyp, 135,3 myń tonnaǵa jetken.

«Óńirler arasynda Shyǵys Qazaqstan oblysynyń kórsetkishi joǵary: 17,3 myń tonna tazartylǵan ósimdik maıy, 46,1 myń tonna tazartymaǵan ósimdik maıy óndirilgen. Tazartylmaǵan ósimdik maıynyń óndiris kólemi boıynsha Abaı jáne Almaty oblystary alǵashqy úshtikti túıindep tur», - dep jazylǵan saraptamada.

Sondaı-aq, bir jyldyń ishinde maı eksportynyń kólemi 43,4% ulǵaıyp, 53,5 myń tonnaǵa jetken. ıAǵnı, óndirilgen maıdyń 38,2% syrtqa satylǵan.

Іshki naryqta ósimdik maıynyń satylymy 86,7 myń tonna bolyp, bir jyl burynǵy kórsetkishten 26,7% artyq bolǵan.

Otandyq kompanııalar kúnbaǵys maıyna degen ishki suranysty 83,7% japqan.

Al eksportqa 41,7 myń tonna shyǵarǵan. Bul bir jyl burynǵy kórsetkishten 1,9 ese kóp.

Kúnbaǵys maıy ásirese Qaraǵandy oblysynda, záıtún maıy Pavlodar oblysynda qatty qymbattaǵan.