Zaısan kóli Shyńjańǵa balyq ónimderin ımporttaıtyn mańyzdy orynǵa aınaldy

<p>ASTANA. KAZINFORM &ndash; Jemeneı keden beketindegi ımporttyq balyq ónimderi eki jyl qatarynan Shyńjań ólkesi boıynsha birinshi orynda tur, dep habarlaıdy KAZINFORM tilshisi qytaılyq &laquo;<a href="https://mp.weixin.qq.com/s/M8csyyXls7jqW-zJZlfrHA" target="_blank" rel="noopener">Altaı aqparaty</a>&raquo; basylymyna silteme jasap.</p>

Jemeneı shekaralyq ekonomıkalyq yntymaqtastyq aımaǵyn basqarý komıteti 2024 jyldan bastap, Jemeneı keden beketi arqyly barlyǵy 730 tonna sý ónimderin ákelip, jyldyń sáıkes mezgilmen salystyrǵanda 47 paıyzǵa arttyrǵan. Import kólemi eki jyl qatarynan Shyńjańnyń ımporttyq sý ónimderi boıynsha aldyńǵy orynǵa shyqqan.

Qytaılyq BAQ-tyń keltirgen deregine súıensek, Jemeneı ótkeli Qazaqstannyń Shyǵys Qazaqstan oblysynyń Zaısan aýdanymen irgeles. Onyń ústine, atalǵan keden beketi qaraqan, kókserke, shortan sekildi balyq túrlerine baı Zaısan kólimen ara qashyqtyǵy 100 shaqyrym ǵana bolǵandyqtan, sý ónimderin ımport etetin mańyzdy arnaǵa aınaldy. Qys túsýine baılanysty, sý ónimderin ımport etý jumysy kúrt artqan. Osy jaǵdaıǵa sáıkes Jemeneı shekaralyq ekonomıkalyq yntymaqtastyq aımaǵyn basqarý komıteti Jemeneı keden beketimen birlesip, «birdiń-birge» dep atalatyn saıasattyq qyzmet óteý jumysyn ortaǵa qoıǵan. Mundaǵy maqsat - balyq ónimderin ımport etýdegi qıyn túıinderdi sheship, kásiporyndardyń qarjyny jandandyrýyna dem berip, syrtqy saýdany damytý. 

Qytaıdyń Jemeneı shekaralyq ekonomıkalyq yntymaqtastyq aımaǵyn basqarý komıteti dırektorynyń orynbasary Erlan Myrzaqalıuly kedendik resimdeý tıimdiligin arttyrýdy jalǵastyratynyn aıtady. 

«Biz qyzmet kórsetý úlgisin tereńdetýdi, bıznes ortany odan ári ońtaılandyrýdy, kedendik resimdeý tıimdiligin arttyrýdy jalǵastyramyz jáne Kásiporyn shyǵyndaryn azaıtý kásiporyndardyń kedendik resimdeý qyzmetterin yńǵaıly jáne tıimdi paıdalanýyn qamtamasyz etemiz», - deıdi Erlan Myrzaqalıuly.