Záýresh Balkenova konsýltatsııalyq-dıagnostıkalyq kómek alý týraly aıtty
«Konsýltatsııalyq-dıagnostıkalyq kómek ambýlatorııalyq túrde de, statsıonarlyq túrde de alýǵa bolady. Eger sizge shuǵyl kómek qajet bolsa, konsýltatsııalyq-dıagnostıkalyq kómek saqtandyrýsyz júzege asady. ıAǵnı, sizdi jedel járdem kóligi aýrýhanaǵa jetkizgen bolsa, sizdiń densaýlyq jaǵdaıyńyzdy túsiný jáne alǵashqy dıagnoz qoıý úshin barlyq qajetti sharalardy qabyldap, taǵaıyndaýy kerek. Kardıolog qasyńyzǵa kelip, EKG-ge túsirip, jalpy qan taldaýyn alýy kerek. Demek júrgińizdiń jaǵdaıy qalaı ekenin bilýge qajetti sharalardy atqarýy kerek», - deıdi Áleýmettik medıtsınalyq saqtandyrý qory tóraǵasynyń keńesshisi Záýresh Balkenova ZOOM platformasynda ótken «Tar beıindi mamandardyń keńesteri jáne COVID-19 dıagnostıkasy: kepildendirilgen medıtsınalyq kómek paketteri men mindetti medıtsınalyq saqtandyrýdyń múmkindikteri» atty onlaın-dáris barysynda.
Eger adam Áleýmettik medıtsınalyq saqtandyrý qorynyń qatysýshysy bolsa, olarǵa tar beıindi mamandar tegin túrde keńes beredi.
«Eń aldymen ýchaskelik dárigerge barasyz. Ol sizdiń densaýlyq jaǵdaıyńyzdy qaraıdy. Qajet bolǵan jaǵdaıda, mysaly, júregińizdiń jaǵdaıyna qatysty suraqtar týyndasa kardıologqa joldama beredi. Sizdi kardıolog qarap, júregińizde aqaý bar-joǵyn anyqtaýǵa qajetti taldaý jumystaryn júrgizedi. Eger siz MÁMS arqyly saqtandyrylǵan bolsańyz – barlyq taldaý jumystary tegin júzege asyrylady», - deıdi ol.
Onyń aıtýynsha, áleýmettik mańyzy bar zozylmaly aýrýy bar patsıentterge (onkologııa, týberkýlez jáne t.b. aýrýlar) medıtsınalyq kómek tegin medıtsınalyq kómektiń kepildendirilgen kólemi aıasynda kórsetiledi. Koronavırýs, menıngıt sııaqty qoǵamǵa qaýip tóndiretin ınfektsııalyq aýrýlary barlarǵa MÁMS arqyly saqtandyrylǵan-saqtandyrylmaǵanyńyzǵa qaramaı kómek kórsetiledi.
«Konsýltatsııalyq-dıagnostıkalyq kómek ýchaskelik dáriger nemese jalpy praktıka dárigeri arqyly júzege asady. Eger áldebir dert boıynsha dıspanserlik esepte turǵan bolsańyz – terapevtiń joldamasy qajet emes. Eger qant dıabeti, arterııalyq gıpertenzııa, gepatıtimen aýyrsańyz – terapevtiń joldamasy qajet emes. Keıde dıagnozdy birden qoıý qıyn bolady,sondaı jaǵdaıda birneshe dárigerge jiberýge týra keledi», - deıdi Záýresh Balkenova.