ASTANA. KAZINFORM — Qazaqstandyq, álemniń 318-raketkasy Zarına Dııas Kýrýme (Japonııa) ITF W50 týrnıriniń shırek fınalyna ótti.
Jarystyń 6-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 875-orynda turǵan Japonııa ókili Lıza-Marııa Rıýmen sheberlik baıqasty.
Zarına Dııas qarsylasyn 6:1, 6:3 esebimen ońaı utty. Match nebári 1 saǵat 12 mınýtqa sozyldy.
Zarına Dııas jartylaı fınalǵa shyǵý úshin álemniń 499-raketkasy, taǵy bir kort ıesi Momoko Koborımen talasady.
Zarına qazirgi kezde WTA Live reıtıngisinde 302-orynǵa kóterilip tur.
Eske sala keteıik, budan buryn Mıhaıl Kýkýshkınniń Frantsııadaǵy týrnırde reseılik tennısshiden basym túskenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).