Zarına Dııas Túrkııada bir kúnde eki match ótkizip, fınalǵa shyqty

<p>ASTANA. KAZINFORM - Qazaqstandyq tennısshi, álemniń 488-raketkasy Zarına Dııas Kaıserı (Túrkııa) ITF W50 týrnıriniń fınalyna ótti.</p>

Qazaqstandyq tennısshi jartylaı fınalda dúnıejúzilik reıtıngide 485-orynda turǵan reseılik Ekaterına Maklakovany aıqyn basymdylyqpen utty – 6:1, 6:2.

Bir saǵat 6 mınýtqa sozylǵan oıyn barysynda Zarına 6 breıkke qol jetkizdi. Maklakova 2 breıkten asa almady.

Búgin osynyń aldynda Z.Dııas shırek fınalda túrkııalyq Denız Dılekti oısyrata utqan edi – 6:0, 6:2.

Zarına Dııas fınalda álemniń 224-raketkasy, Belarýs ókili Alena Faleı nemese reıtıngide 338-satydaǵy bolgarııalyq Izabella Shınıkovanyń qaı jeńgenimen chempıondyq ataq úshin talasady.

Jaraqatyna baılanysty eki jyldyq úzilisten keıin kortqa bıyl oralǵan qazaqstandyq tennısshi qazirgi kezde WTA Live reıtıngisinde 418-orynǵa kóterilip tur.

Eske sala keteıik, budan buryn Zarına Dııastyń Túrkııadaǵy týrnırdiń jartylaı fınalyna joldama alǵanyn jazǵan bolatynbyz.