Zarına Dııas tennıske qashan qaıta oralatynyn aıtty

ASTANA. QazAqparat - Qazaqstandyq Zarına Dııas tennıske jarty jyldan keıin qaıta oralmaqshy, dep habarlaıdy QazAqparat tilshisi.

Qazaqstan tennıs federatsııasynan málim etkendeı, Dııas osyǵan baılanysty óz pikirin bólisken.

«Ótken jyl men úshin kúrdeli boldy. Densaýlyǵyma oraı qıyndyqtar týyndap, úzilis alýyma týra keldi. Sondyqtan reıtıngim de tómendep ketti. Qazir qalpyma kelip jatyrmyn, densaýlyǵym jaqsaryp qaldy. Tennıs, týrnır, jankúıerlerdi saǵyndym. Tennıske sáýir aıynda oralýdy kózdep otyrmyn. Bárińizdi Jańa jylmen quttyqtap, tynyshtyq, ashyq aspan, barsha jaqsylyqty tileımin», -dedi Z.Dııas.

Eske sala keteıik, budan buryn Elena Rybakınanyń Adelaıda týrnıriniń shırek fınalyna shyǵa almaǵanyn jazǵan bolatynbyz.

Sondaı-aq Devıs kýboginiń irikteý matchyna qatysatyn Qazaqstan quramasy anyqtaldy.

Foto: Qazaqstan tennıs federatsııasy