Zarına Dııas Taılandtaǵy týrnırde úshinshi kezdesýinde jeńiske jetti

<p>ASTANA. KAZINFORM &mdash; Qazaqstandyq tennısshi, álemniń 381-raketkasy Zarına Dııas Nonthabýrı (Taıland) ITF W75 týrnıriniń ekinshi aınalymyna ótti.</p>

Jarysty irikteý saıystarynan bastap, eki kezdesýinde jeńiske jetken qazaqstandyq tennısshi negizgi dodada alǵashqy aınalymda álemniń 310-raketkasy, amerıkalyq Anna Rodjerspen sheberlik baıqasty.

Birinshi partııada Zarına 3:0 esebimen alǵa ketti. Qorytyndy esep — 6:4.

Ekinshi set te 6:4 esebimen aıaqtaldy.

Match 1 saǵat 33 mınýtqa sozyldy. 

Zarına Dııas shırek fınalǵa shyǵý úshin álemniń 258-raketkasy, ońtústikkoreıalyq Chan Sý Djon nemese reıtıngide 353-oryndaǵy Hon-I Kodı Vonnyń bireýimen talasady.

Z.Dııas osy dodada reseılik Marııa Tkachevamen birge juptyq synda shırek fınalǵa shyqty. 

Qazaqstandyq-reseılik jup bastapqy matchynda taıbeılikter I-Hsýan Cho — ıÝ-Tsen Chony joldan taıdyrdy — 6:2, 6:3.

Zarına Dııas — Marııa Tkacheva shırek fınalda qytaılyq Shýo Fen — grekııalyq Sapfo Sakellarıdımen kezdesedi.

Eske sala keteıik, budan buryn Zarına Dııastyń Taılandtaǵy týrnırdiń irikteý saıysyn sátti ótkizgenin jazǵan bolatynbyz.

Anna Danılına Adelaıda týrnıriniń shırek fınalyna shyqty.