Zarına Dııas Qytaıdaǵy týrnırge arnaıy shaqyrtý aldy

<p>ASTANA. KAZINFORM &ndash; Áıelder arasynda 28 qazan &ndash; 3 qarasha aralyǵynda ótetin Tszıýtszıan WTA 250 týrnıriniń jerebesi tartyldy.</p>

Atalmysh jarysqa dúnıejúzilik reıtıngide 379-orynda turǵan qazaqstandyq Zarına Dııas arnaıy shaqyrtý aldy.

Zarına alǵashqy aınalymda álemniń 60-raketkasy, ıspanııalyq Djessıka Býzas Maneıromen oınaıdy. 

Jaraqatyna baılanysty eki jyldyq úzilisten keıin kortqa qaıta oralǵan Z.Dııas jýyrda Túrkııadaǵy ITF týrnıriniń chempıony atanǵan edi.

Taǵy bir qazaqstandyq, reıtıngide 311-satydaǵy Jibek Qulambaeva Tszıýtszıan dodasynyń irikteý saıystarynan óte almady. Ol irikteý synynyń jartylaı fınalynda eki saǵatqa jýyq ýaqytqa sozylǵan tartysty matchta ındonezııalyq Prıska Madelın Nýgrohoǵa jol berdi – 2:6, 6:7 (7:9).

Tszıýtszıanda ótken jyly chehııalyq Katerjına Sınıakova úzdik shyqqan bolatyn. Ol fınalda óziniń otandasy Marı Boýzkovany 1:6, 7:6 (7:5), 7:6 (7:4) esebimen jeńgen edi.

Eske sala keteıik, budan buryn Zarına Dııastyń kambek jasap, Túrkııadaǵy týrnırdiń chempıony atanǵanyn jazǵan bolatynbyz. 

Sondaı-aq Ámir Omarhanov Koreıadaǵy týrnırdiń chempıony atandy.