Zapastaǵy ofıtserler men serjanttardyń áskerı daıyndyq erejesine ózgeris engiziledi

<p>ASTANA. KAZINFORM &ndash; Áskerı bilim jáne ǵylym departamenti &laquo;Zapastaǵy ofıtserler men zapastaǵy serjanttar baǵdarlamalary boıynsha áskerı daıarlyq qaǵıdalaryn bekitý týraly&raquo; QR Qorǵanys mınıstriniń 2017 jylǵy 24 shildedegi № 375 buıryǵyna ózgerister men tolyqtyrýlar engizý týraly&raquo; qorǵanys vedomstvosy basshysynyń buıryǵynyń jobasyn ázirledi.</p>

Normatıvtik quqyqtyq akt «Bilim týraly» QR Zańynyń 5-1-baby 9) tarmaqshasyna, «Memlekettik kórsetiletin qyzmetter týraly» QR Zańynyń 5-baby 2-tarmaǵynyń 11) tarmaqshasyna jáne «Joǵary jáne joǵary oqý ornynan keıingi bilim berý baǵdarlamalaryn iske asyratyn bilim berý uıymdaryna oqýǵa qabyldaýdyń úlgilik qaǵıdalaryn bekitý týraly» 2018 jylǵy 31 qazandaǵy Bilim jáne ǵylym mınıstriniń buıryǵyna sáıkes ázirlendi.

- Bul ózgeristerdi qabyldaý, aýystyrý jáne qalpyna keltirý protsesterin Qorǵanys mınıstrligine vedomstvolyq baǵynysty áskerı oqý oryndaryna tsıfrlyq formatqa aýystyrýǵa múmkindik beredi. Memlekettik qyzmet e-Gov portaly arqyly ótinim berý boıynsha kórsetiletin bolady, ol paıdalanýshylardyń ýaqytyn únemdep, ony oryndaýda bıýrokratııalyq faktorlardy boldyrmaıdy, - dep jazdy vedomstvodan.

Qorǵanys mınıstri buıryǵy jobasynyń tolyq mátinimen «Elektrondyq úkimet» portalynda osy jyldyń 20 jeltoqsanyna deıin «Ashyq NQA» bóliminde tanysýǵa bolady.