Zańsyz shyǵarylǵan aqshany qaıtarýmen aınalysatyn taǵy bir organ qurylýy múmkin
Májilis depýtattaryna qylmystyq zańnamaǵa usynylǵan túzetýlerdi tanystyrǵan Ádilet vıtse-mınıstri Alma Muqanova BAQ ókilderine bergen suhbatynda osyndaı málimet aıtty.
«Negizi Memleket basshysynyń Jarlyǵy boıynsha zań jobalary 31 naýryzǵa deıin Májilis qaraýyna engizilýi kerek bolatyn. Biraq bul zań jobasynyń ózi kúrdeli másele ekenin bilesizder. Memlekettik organdar usynǵan kóptegen norma men usynystarǵa qatysty birqatar suraq týyndap otyr.
Mysaly, Úkimet ázirlegen zań jobasynda azamattyq tárkileý ınstıtýty deıtin jańa ınstıtýt qurý usynylǵan. Eger qandaı da bir tulǵanyń ıeliginde qaıdan kelgeni negizdelmegen orasan baılyq, aktıv bar ekeni anyqtalsa, tárkileý úshin búkil qylmystyq ınstatsııalardan ótý kerek. Tıisti tergeý júrip, qylmystyq sotta qaralýy kerek. Ol ınstıtýt Bas prokýratýranyń janynan qurylady. Osy memorgannyń aıasynda belgili bir tulǵalardyń tizimi qalyptasady. «Qaıtarýǵa jatatyn aktıvtiń eń tómengi shegi qansha bolýy kerek?» degen sııaqty qazir túrli ólshemsharttar usynylýda. Kez kelgen azamatty kúdikke alyp, aıyp taǵa almaımyz ǵoı. ıAǵnı, eń tómengi somany belgilep alýymyz kerek. Ekinshi bir másele – ol tulǵanyń baılyqty qandaı jolmen ıelengenin anyqtaý. Onyń ózgelerge qaraǵanda ústem jaǵdaıy boldy ma, ol da eskerilýi kerek», – dedi vıtse-mınıstr.
BAQ ókilderi azamattyq tárkileý ınstıtýtyna kimder tartylatynyn surady.
«Qazirgi nusqa boıynsha ol organ Bas prokýratýranyń ishinen, sondaǵy qurylymdyq bólimshelerdiń biri taǵaıyndalýy múmkin. Biraq izdestirý máselesi kúrdeli bolyp tur. Osyǵan baılanysty olardyń arasyna ekonomıster, aýdıtorlar jáne ózge de mamandar tartylýy múmkin. Eń bastysy, bul qurylatyn organ tulǵalardyń tıisti tizilimimen jumys isteıtin bolady. Ol tizilimge birqatar ólshemshartqa saı keletin sýbektiler engiziledi. Osy sýbektiler ıeligindegi múlikteri men aktıvterin zańdy jolmen tapqanyn dáleldeýi kerek. Mysaly asa baı azamat bolsa, kelip dekalaratsııa tapsyrýy kerek. Ol deklaratsııada ıeligindegi baılyq qaı jolmen kelgeni týraly tolyq aqparat berý kerek. Eger ondaı aqparatty bere almasa, dáleldeı almasa tıisti organ azamattyq sotqa tárkileý týraly júginedi», - dedi ol.