Zańsyz sherýge shyqqandarǵa qandaı shara qoldanyldy
«Bárimiz habardarmyz, sońǵy ýaqytta ruqsat berilmegen sherýler kóbeıip ketti. Ol - zańsyz. Ol jaıynda Bas prokýratýra, Іshki ister mınıstrliginiń basshylyǵy kúndelikti qulaǵymyzǵa quıyp jatyr. Estimegen adam joq, bárimiz jaqsy bilemiz, Ondaı sherýge barýǵa, janynda bolýǵa bolmaıtyndyǵyn aıtyp jatyr. Nege? Óıtkeni, ondaı jerge barǵan adam oǵan qatysty dep eseptelinedi. Onyń barlyǵyn kúnde estip jatyrmyz»,- dedi Joǵarǵy sot tóraǵasy BAQ ókilderiniń saýalyna oraı.
Ol 6 shilde kúni bolǵan zańsy sherýler jaıynda buqaralyq aqparat quraldarynan estip bilgenin aıtty.
«Іshki ister mınıstrliginiń aıtýynsha, 100-den astam ustaldy. Sol oqıǵa boıynsha bizdiń sottarǵa ákimshilik quqyq buzýshylyq boıynsha 40 is tústi. Solar boıynsha 22 adam qamaýǵa alyndy. Onyń tek bireýi ǵana 15 táýlikke, al qalǵan 21-i bir táýlikten 10 táýlikke deıin qamaldy. Sottar osyndaı sheshim qabyldady. Onyń zańdy ne zańsyz emestigine qatysty taǵy da aıtaıyn, oǵan túsinikteme beretin bir-aq adam bar. Ol men emes. Ol - sol sheshimdi qabyldaǵan sýdıa», - dedi Jaqyp Asanov.