Zańsyz nómirmen kólik júrgizý aýyr qylmysqa aparady - Májilis depýtaty
«Biz, eń aldymen halyqtyń talap-tilegin oryndap, osyndaı buzaqylyqpen kúresýimiz kerek. Búgingi tańda mundaı zańbuzýshylyqtarǵa Ákimshilik jáne Qylmystyq kodeksterde birqatar jaza qarastyrylǵan. Alaıda, jaýapkershiliktiń jumsaqtyǵy halyq arasynda alańdaýshylyq týǵyzyp otyr. Osyǵan oraı, qazirgi tańda Májiliste zańnamalyq normalar qaıta qaralyp, jaýapkershilik kúsheıtilip jatyr. Óıtkeni, zańsyz nómirmen nemese múldem nómirsiz kólik júrgizý aýyr qylmys jasaýǵa aparýy múmkin»
, - dedi depýtat.
Shymkentte ótken kóshpeli otyrysta qaladaǵy ishki ister salasyn jetildirý máselesi talqylanǵan bolatyn. Oǵan Іshki ister mınıstri Marat Ahmetjanov, Májilis depýtaty Berik Bekjanov, qala ákimi Murat Áıtenov pen quqyq qorǵaý organdarynyń basshylary, máslıhat depýtattary qatysty.
Memleket basshysynyń joldaýynda zań ústemdegin ornatýǵa basa nazar aýdarylǵany belgili. Osy oraıda, depýtattar quqyq qorǵaý organdarynyń qyzmetin jetildirýge jáne jol-kólik oqıǵalaryn azaıtý úshin zańdy qatańdatýǵa erekshe mán berip otyr.
Atap aıtqanda, «Ákimshilik quqyqbuzýshylyqtar týraly» Kodeks negizinde zańsyz memlekettik tirkeý nómirin qoldanǵandarǵa 5 - 400 aılyq eseptik kórsetkish (15315 - 1225200 tg) mólsherinde aıyppul salynady. Al, Qylmystyq kodeks boıynsha kólik nómirin qoldan jasaý nemese jalǵan nómir paıdalanýǵa 2 myń AEK (6126000 tg) deıin aıyppul salý nemese 2 jylǵa deıingi merzimge bas bostandyǵyn shekteý qarastyrylǵan.
Bas prokýratýranyń málimetine sáıkes, bıylǵy jyldyń I toqsanynda osyndaı 73124 quqyqbuzýshylyq tirkelip, 72628 fakt boıynsha ákimshilik aıyppul salynyp, 16 adam júrgizýshi kýáliginen aırylǵan.
Eske salsaq, osy aıdyń basynda elorda joldarynda memlekettik tirkeý nómirinsiz júrgen kólik júrgizýshisinen sýyq qarý tabylǵan bolatyn.