Zańsyz qarý satyp alǵan 4 qostanaılyq jaýapqa tartyldy - polıtsııa

QOSTANAI. QazAqparat – «Quqyqtyq tártip» jedel aldyn alý sharasy aıasynda zańsyz qarý satyp alyp, ony saqtaǵany úshin Qostanaı obysynyń 4 turǵyny jaýapqa tartyldy. Bul týraly óńirlik polıtsııa departamentiniń baspasóz qyzmetinen málim etti, dep habarlaıdy QazAqparat tilshisi.

«Qostanaı oblysynda bir táýlikte «Quqyqtyq tártip» jedel aldyn alý sharasy aıasynda 582 quqyq buzýshylyq anyqtaldy. Onyń ishinde qoǵamdyq oryndarda spırttik ishimdik ishkeni úshin 151 quqyq buzýshy ákimshilik jaýapkershilikke tartyldy. Tynyshtyqty buzýdyń 20-dan astam faktisi anyqtaldy. QR Qylmystyq kodeksiniń 482-babyna sáıkes, qarýdy zańsyz satyp alǵany, bergeni jáne saqtaǵany úshin 4 adam jaýapqa tartyldy. Sondaı-aq, jedel aldyn alý sharasy barysynda polıtsııa qyzmetkerleri izdeýde júrgen 4 qylmyskerdi ustady jáne 11 qylmys ashyldy», - dep málim etti departamenttiń baspasóz qyzmetinen.

Munymen qosa, oblys aýmaǵynda jyldamdyqty asyrǵan 27 kólik júrgizýshi anyqtalyp, 70 jaıaý júrginshi jaýapkershilikke tartylǵan.

Aıta keteıik, atalǵan oblys aýmaǵyndaǵy «Quqyqtyq tártip» respýblıkalyq jedel aldyn alý sharasy 9-11 qarasha aralyǵynda ótedi.