Zańsyz bıznesti azaıtý bıýdjetke túsetin qosymsha tabys kózi ekenin túsinýimiz kerek – Smaıylov

ASTANA. QazAqparat – Kóleńkeli ekonomıkany azaıtýdyń negizgi joly – memlekettik organdardyń aqparattyq júıelerin jappaı tsıfrlandyrý. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Shilde aıynda aldaǵy 3 jylǵa arnalǵan Kóleńkeli ekonomıkaǵa qarsy is-qımyl jónindegi keshendi is-sharalar jospary jańartyldy. Zańsyz bıznestiń úlesin azaıtý – ol bıýdjetke túsetin qosymsha tabys kózi ekenin túsinýimiz kerek», - dedi Álıhan Smaıylov.

Úkimet basshysynyń atap ótýinshe, kóleńkeli ekonomıkany azaıtýdyń negizgi joly memlekettik organdardyń aqparattyq júıelerin jappaı tsıfrlandyrý jáne ıntegratsııalaý bolyp sanalady.

«Bul jumysty kúsheıtip, josparlanǵan barlyq is-sharalardyń ýaqytyly oryndalýyn qamtamasyz etý kerek. Tsıfrlyq damý mınıstrligi osy máseleni baqylaýda ustaýy tıis», - dedi Premer-Mınıstr.