Zańsyz berilgen, ıgerilmegen jerlerdi qaıtarý jumysy júrgiziledi - Baǵdat Mýsın
Ol bul jaıynda Instagram paraqshasynda jazdy.
Aıtýynsha, Memleket basshysy Qazaqstan halqyna Joldaýynda kúrdeli problemalardy sheshýdegi tsıfrlandyrý salasynyń rólin atap ótken. Sonyń ishinde jumys barysynda betpe-bet kezdesý múldem bolmaıtyndaı etip, salyqtyq baqylaý qyzmetin tolyq tsıfrlandyrý kerek ekenine toqtaldy.
Sondaı-aq 2023 jyldan bastap Otbasynyń tsıfrlyq kartasy jáne Áleýmettik ámııan sııaqty tásilder engiziletinin málimdedi.
«Osy bastamalar aıasynda memlekettik qoldaýdyń túrli sharalary biriktiriledi. Olar túsinikti, dál jáne proaktıvti bolady. Sonymen qatar ǵylym, densaýlyq saqtaý, óndiris, IT salalarynyń bilikti mamandaryna salyqtyq jeńildik jasalyp, olarǵa elimizde turaqty turý úshin vıza beredi. Prezıdent óz joldaýynda sot júıesine erekshe toqtaldy. Mysaly, qazir tsıfrlyq taldaý jasaıtyn qural ázirlenip jatyr. Sol arqyly sot tóreligin atqarý isin birizdendirýge múmkindik týady. Sondaı-aq Memleket basshysy memlekettik qoldaý kórsetiletinderdi anyqtaıtyn júıeni avtomattandyrý máselesine nazar aýdardy. Qazir biz skorıng nusqasynda qalyptastyrylǵan júıe jasaý múmkindigin ázirlep jatyrmyz. Aýyl sharýashylyq jerleri, sý resýrstary, ırrıgatsııalyq júıeler men kólikke qoljetimdilik jaǵdaıy týraly bytyrap jatqan derekter biryńǵaı tsıfrlyq platformada biriktiriledi»- deıdi Baǵdat Mýsın.
Mınıstrdiń aıtýynsha, geologııalyq aqparattardyń biryńǵaı derekter bankin jasap bolǵan soń osy saladaǵy ınvestklımatty jaqsartýǵa jáne úderisterdi ashyq júrgizýge jol ashylady.
Joldaýda ıgerilmegen nemese zańsyz berilgen jerler taqyryby da kóterildi. Bul oraıda jerdi qaıtarý jáne esepti aýystyrý jumysy júrgiziledi.
«Árıne, bul protsesterdiń barlyǵy Tsıfrlyq damý mınıstrliginiń kómegimen júzege asady. Joldaýda aıtylǵan baǵyttar boıynsha jumysty jandandyryp, jańa mindetterdi oryndaýǵa daıynbyz»,-dep atap ótti mınıstr.
Foto: instagram.com/bagdatmussin/