Zańsyz bekire aýlaýǵa kómektesken shekarashy sottaldy
Olardyń arasynda Ulttyq qaýipsizdik komıteti shekara qyzmetiniń burynǵy áskerı qyzmetshisi bar. Ol qylmystyq top múshelerine belgili patrýldi katerlerdiń teńizge shyǵý jerlerin, ýaqytyn, kestesin habarlap otyrǵan. Sol úshin belgili bir soma mólsherinde syıaqy alǵan.
Munymen qosa, bekire ótkizýge kómektesken. Bul derekterdi eskergen sot qyzmetin asyra paıdalanǵan áskerı qyzmetkerdi 8 jylǵa bas bostandyǵynan aıyrý týraly úkim shyǵardy. Qylmystyq toptyń ózge músheleri 7 jáne 5 jylǵa sottaldy. Tergeý nátıjesinde memleketke kelgen shyǵyn kólemi 3 mln teńge shamasynda ekeni anyqtaldy.
Baıazıd Dáribaev, Astana qalasy Qylmystyq ister jónindegi mamandandyrylǵan aýdanaralyq áskerı sotynyń sýdıasy: - Jazanyń óteý merzimi 2015 jyldyń 29 tamyzynan bastap sottalǵandardyń aldyn ala qamaýda bolǵan kúnnen bastap eseptelsin. Qımatovqa qoldanǵan bultartpaý sharasy, qamaýǵa alý ózgerissiz qaldyrylsyn. Atyraý oblystyq orman sharýashylyǵy jáne janýarlar dúnıesi aýmaqty ınspektsııasynyń RMM azamattyq talaby ishinara qanaǵattandyrylsyn. Sottalǵan Shanbaev, Tóleý, Tlepeev, Qımatovtan memleket paıdasyna yntymaq tártippen 1 mln 488 myń 490 teńge óndirilsin.