Zańsyz alkogol ónimderin shyǵaratyn 14 tseh jumysy toqtatyldy

ASTANA. QazAqparat - Bıyl el aýmaǵynda zańsyz alkogol ónimderin shyǵaryp kelgen 14 tseh jumysy toqtatyldy. Bul týraly búgin QR QM MKK Aldyn alý jumysy jáne baqylaý basqarmasy basshysynyń orynbasary mindetin atqarýshy Erden Juman aıtty, dep habarlaıdy QazAqparat tilshisi.

«Zańsyz alkogol ónimderi aınalymy salasynda da biraz qylmys áshkerelendi. Atap aıtqanda, aǵymdaǵy jyldyń 5 aıynda zańsyz alkogol ónimderin ázirlep kelgen 14 jasyryn tsehtyń joly kesildi. Olardan 2 mln 700 myńnan astam jalǵan esepke alý-baqylaý markalary, 6 mıllıonnan astam shólmek esepke alynbaǵan alkogoldi ónim men 30 myń tonna lıtr spırt alyndy», - dedi basqarma basshysy orynbasarynyń mindetin atqarýshy.

Onyń dereginshe, esepti kezeńde ekonomıkalyq saladaǵy aýyr qylmystardy anyqtaý eki esege artyp, ótelgen zııa kólemi 77 paıyzǵa jetken.

«Anyqtalǵan 28,3 mlrd teńge zalaldyń 12,8 mlrd teńgesi óteldi. Sot sanktsııasymen 9 mlrd teńge somadaǵy múlikke tyıym salyndy», - dedi Erden Juman.

Kórneki fotosýret: gazeta.a42.ru