Zańsyz jekeshelenip ketken Qazaqstannyń ınvestıtsııalyq qory birtindep memleketke qaıtarylyp jatyr

<p>Qarjylyq monıtorıng agenttigi &laquo;Qazaqstannyń ınvestıtsııalyq qory&raquo; AQ zańsyz jekeshelendirý faktisi boıynsha tergeýdi jalǵastyryp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Tergeý barysynda «Báıterek» «UBH» AQ menshigine quny 63,3 mlrd teńge bolatyn QIQ-nyń 100% aktsııasy qaıtaryldy. 

Aıta keteıik, sotqa deıingi tergeý bastalǵan kezde qordyń Qazaqstannyń damý banki aldynda 18,7 mlrd teńge kóleminde boryshy bolǵan.

Agenttik qolma-qol aqshamen óteý arqyly bereshekti úsh ese tómendetti.

Sonymen qatar, 12 enshiles kompanııa qordyń baqylaýyna qaıtaryldy.

Bul — metall konstrýktsııalaryn, jol jáne qurylys bıtýmyn shyǵarý, shınalardy jáne iri qara maldyń terisin qaıta óńdeý, qaǵaz-karton ónimderi, jelimdelgen aǵash konstrýktsııalar, baǵyttamaly burma shyǵarý zaýyttary jáne polıgrafııa.

QIQ balansyna Almaty qalasyndaǵy bıznes-ortalyqtyń ǵımaraty jáne Almaty oblysyndaǵy quny 1,6 mlrd teńgeden asatyn jer ýchaskeleri qaıtaryldy.

Sondaı-aq, «Dosjan Temir Joly» AQ jylyna nebári 100 mln teńgege 10 jyl merzimge senimgerlik basqarýǵa berý týraly shart joıyldy.

Kásiporynnyń 2022 jyldyń qorytyndysy boıynsha taza paıdasy 1,3 mlrd teńgeni quraǵanymen, bastapqy baǵalaý kezinde bul eskerilmegen.

Aktıvterdi memleket paıdasyna qaıtarý jónindegi jumys jalǵasady.