Zańsyz shyǵarylǵan aktıvterdiń jumys toby nege jarııa etilmeıdi

<p>QR Parlamenti Májilisiniń depýtaty, &laquo;AMANAT&raquo; partııasy fraktsııasynyń jetekshisi Elnur Beısenbaev zańsyz shyǵarylǵan aktıvterdiń jumys toby nege jabyq tizimmen jasaqtalatynyn túsindirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a>&nbsp;</p>

Partııa ókili munda komıssııa múshelerine qysym bolý qaýpi bar ekenin aıtty.

«Eger komıssııa múshelerin ashyq jarııalap aıtatyn bolsaq, bul rette syrtqa kapıtalyn shyǵarǵandardyń eń aldymen qylmystyq top ekenin aıtýymyz kerek. Biz, depýtattar zańdy jazyp berdik, onda bári anyq jazylǵan. Endi prokýratýra – sol zańdy iske asyratyn organ, túsindirý jumystaryn júrgizý kerek. Zańsyz aktıv ıeleri ártúrli quıtyrqy áreketterge barýy múmkin. Óıtkeni onda mıllıardtaǵan qarajat sóz bolyp otyr. Sol sebepti bul komıssııa jumysy jabyq bolǵany jumysty ilgeriletýge anaǵurlym kómektesedi», - dedi E.Beısenbaev Jibek joly telearnasynyń «Ýáde» baǵdarlamasynda.

Sonymen birge, spıker kompanııalar tiziliminiń nelikten jarııalanbaıtynyn aıtyp berdi.

«Birinshiden, bul kompanııanyń ózine qaýip, olardy tizilimge qossaq, teksere kele, qarajatyn zań júzinde tapqanyn dáleldese, kompanııanyń qarjylyq bedeline nuqsan keledi. Bul memleketimizdiń qarjylyq hal-ahýalynyń tómendeýine ákep soǵady. Sondyqtan reestrdiń jabyq bolǵany durys. Al eger rasynda da qandaı da bir iri kompanııadan zańsyz ıemdengen aktıv tabylsa, qylmystyq is qozǵalǵan sátte-aq aqparat birden baspasózde jarııalanady», - dedi E.Beısenbaev.

Buǵan deıin E.Beısenbaev saılaýda aıqyn jeńiske jetken saıası partııanyń ókilderi Úkimet basshysyn usynatynyn, qazirgi Úkimetke jalpy kóńili tolatynyn aıtqan edi.