Zańsyz bas tartqan: ShQO-da sharýalarǵa jaıylym jerler qaıtaryldy
QR Memlekettik qyzmet isteri agenttigi ShQO boıynsha departamentiniń mamandary «E-lıtsenzııalaý» júıesi arqyly Samar, Ulan, Kúrshim jáne Zaısan aýdandarynyń ákimdikteri sharýalarǵa jaıylym jerlerin berýden bas tartqanyn anyqtady. Munyń sebebin Jer kodeksindegi jer ýchaskelerin ýaqytsha óteýsiz paıdalaný negizinde berýdi shekteıtin ózgeristerge baılanysty dep túsindirdi.
Alaıda olardyń osylaı bas tartqandary zańǵa qaıshy. Bul zańdaǵy ózgerister halyqqa zııanyn tıgizbeýi tıis.
- Jer kodeksine engizilgen jańashyldyqtardyń keri kúshi joq, ıaǵnı buryn bekitilgen sheshimderge qoldanýǵa jaramaıdy. Onyń ústine sharýalar ótinish bergen kezde jer komıssııasynyń jer telimderin bólý týraly qorytyndysy áli kúshinde bolatyn. Bul azamattardyń quqyqtarynyń buzylyp, jergilikti atqarýshy organdardyń óz ókilettikterin asyra paıdalanǵanynyń dáleli, - delingen aqparatta.
Departamenttiń aralasýynan keıin sharýalarǵa jalpy kólemi 1500 gektardan asatyn jer telimderi berildi. Bul osyndaı keleńsizdikke tap bolǵan basqa da sharýalarǵa úlgi boldy.
Eske salsaq, osyǵan deıin Pavlodarda sheneýnikter fermerlerdiń mıllıardtaǵan ınvestıtsııa quıǵan jerlerin sotpen alyp qoıǵany habarlanǵan.