Zańsyz avans aýdarǵan: Jambyl oblysynda balalar mekemesiniń býhgalteri sottaldy

<p>Shý aýdanynda býhgalter Balalar men jasóspirimder ólketaný jáne týrızm ortalyǵynyń qyzmetkerlerine 3 jyl boıy zańsyz avans aýdaryp kelgen, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

Býhgalterdiń qylmystyq áreketin Shý aýdanynyń prokýrorlary anyqtap, sotqa deıingi tergep-tekserý Qylmystyq kodekstiń 189-baby 3-bóligi 1-tarmaǵymen (iri mólsherde senip tapsyrylǵan bótenniń múlkin ıemdený nemese talan-tarajǵa salý) 2023 jylǵy 1 tamyzda tirkeldi. Tergeýdi júrgizý Jambyl oblysy Ekonomıkalyq tergep-tekserý departamentine tapsyrylǵan.

«Memleketke keltirilgen zalal 9,9 mln teńgeden asty, ol tergeý barysynda óteldi.

2023 jylǵy 9 qarashada Shý aýdandyq sotynyń úkimimen ortalyqtyń býhgalteri 5 jyl merzimge býhgalterlik qyzmetpen aınalysýǵa tyıym salýmen 4 jylǵa shartty túrde bas bostandyǵynan aıyryldy.

Úkim zańdy kúshine engen joq», - delingen Jambyl oblysynyń prokýratýrasy usynǵan málimette.