Zańsyz aktıvter: Atyraý oblysynda gaz qubyry memleketke qaıtarylady

<p>Premer-Mınıstr Álıhan Smaıylovtyń tóraǵalyǵymen ótken Ekonomıkany demonopolızatsııalaý jónindegi komıssııa otyrysynda taýarly gazdy tasymaldaý salasynda zańsyz ıemdelgen aktıvterdi qaıtarý máselesi qaraldy.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://primeminister.kz/news/atyrau-oblysynda-gaz-kubyry-memleket-menshigine-kaytarylady-26462" target="_blank" rel="noopener">primeminister.kz-ke</a>&nbsp;silteme jasap habarlaıdy.</p>

QR Bas prokýratýrasy júrgizgen tekserý nátıjesinde 2021 jyly jekemenshik kompanııa Atyraý oblysynda uzyndyǵy 200 metrden asatyn gaz qubyryn tómendetilgen baǵamen jáne zańdylyqty buza otyryp satyp alǵany anyqtaldy. Atap aıtqanda, «QazaqGaz» UK» AQ ulttyq operatorynyń gazben jabdyqtaý nysandaryn satyp alýǵa basym quqyǵy týraly zań normasy buzylǵan.

Talqylaý nátıjeleri boıynsha omıssııa gaz qubyryn berý jónindegi mámileni jaramsyz dep taný jáne múlikti memleket menshigine qaıtarý boıynsha tıisti materıaldardy sotqa joldaý týraly sheshim qabyldady. Aldaǵy ýaqytta ony óńirdegi iri ónerkásiptik kásiporyndardy gazben qamtamasyz etý úshin paıdalaný josparlanyp otyr.

Premer-Mınıstr osyǵan uqsas jaǵdaı qalyptasqan basqa da birqatar kásiporyndarda tıisti jumys júrgizý qajet ekenin atap ótti.