Zańnyń oryndalmaýyna atqarýshy bılik kináli - Q. Sultanov

ASTANA. QazAqparat - Zańnyń oryndalmaýyna atqarýshy bılik kináli. Bul pikirdi búgin QR Prezıdenti janyndaǵy Adam quqyqtary jónindegi komıssııanyń keńeıtilgen otyrysynda atalǵan komıssııanyń tóraǵasy, Májilis depýtaty Qýanysh Sultanov bildirdi.

«Qazirgi ýaqytta bizde qabyldanyp jatqan kóptegen jaqsy zańdar nege oryndalmaı jatyr? Onyń oryndalmaýyna atqarýshy bılik kináli. Jaman zań qabyldap jatqan joqpyz. Zańdy oryndaı almaı, zańmen ómir súre almaı jatyrmyz»,- dedi ol.

Q.Sultanovtyń atap ótýinshe, azamattyq qoǵamnyń sanasyn, bilimin ósirý qajet. Al sana senimniń ósip-órkendeýi nátıjesinde qoǵam ózdiginen mádenıettenip, izgilenetin bolady.

Aıta keteıik, keńeıtilgen otyrysta QR Іshki ister mınıstrliginiń sottalǵandardyń konstıtýtsııalyq quqyqtaryn jáne olardy túzeý mekemelerinde ustaýdy qamtamasyz etýdegi qyzmeti týraly máseleler keńinen talqylandy. Atalǵan másele boıynsha Іshki ister mınıstri Qalmuhanbet Qasymov baıandama jasady.

Komıssııa otyrysynda túzetý mekemelerinde otyrǵan adamdardyń sanyn barynsha azaıtýdyń ózekti máseleleri jan-jaqty talqyǵa tústi.