Zańger reseılikterdiń Qazaqstanǵa aǵylýyn shekteýdiń quqyqtyq múmkindikteri týraly aıtty

ASTANA. QazAqparat – Belgili zańger, Eýropalyq quqyq jáne adam quqyqtary sarapshylyq ınstıtýtynyń dırektory Marat Báshimov reseılikterdiń Qazaqstanǵa aǵylýyn shekteýdiń quqyqtyq múmkindikteri týraly pikir bildirdi, dep habarlaıdy QazAqparat tilshisi.

«Máseleni quqyqtyq turǵydan aıtyp kóreıik:

1.Jýrnalıster reseılikterdiń shekaradan kóptep ótip jatqanyn aıtyp, túrli suraqtar qoıyp jatyr. Bizdiń zańnama boıynsha, halyqaralyq kelesimsharttar aıasynda Reseı Federatsııasynyń azamattary elimizdiń aýmaǵynda 90 kún júre alady. Odan keıin shyǵyp ketýi kerek.

2. Al ýaqytsha ómir súrýge zańnama boıynsha alty bekitilgen ereje boıynsha rásimdeledi. Olardyń ishinde memlekettik organdardyń ruqsat berý, rastaý qujattary da bar», - de jazdy ol Facebook-tegi paraqshasynda.

Zańgerdiń paıymynsha, shekarany jabýdyń basqa jaǵymsyz jaǵy bar jáne qarymta reaktsııa týdyrýy múmkin.

«Bul ekonomıkalyq alys-beristi nasharlatyp, Qazaqstannyń soltústigindegi óńirlerdiń azyq-túlik qaýipsizdigine soqqy bolyp tııýi yqtımal. Óıtkeni azyq-túlikpen taýar ımportyna táýeldilik óte joǵary jáne búkil shekaralyq saýdany quldyratyp, taýarlardyń tapshylyǵy men qymbatshylyǵyn týyndatýy múmkin. Bul kózge birden anyq kórinip tur», - dep jazdy Marat Báshimov.

Foto: www.portalcomunicare.com.br