Zańǵar Nurlanuly Túrkııadaǵy jarysta úzdik atandy

<p>ASTANA. KAZINFORM &ndash; Qazaqstandyq Zańǵar Nurlanuly Túrkııanyń Izmır qalasynda ótken ITF Juniors J100 týrnıriniń jeńimpazy atandy.</p>

Qazaqstandyq tennısshi fınalda Túrkııanyń jasóspirimder arasynda birinshi, osy jarystyń 1-raketkasy Melıh Anavatandy tartysty matchta 3:6, 7:5, 6:2 esebimen utty.

Zańǵar Nurlanuly fınalǵa barar jolda Túrkııanyń taǵy eki ókilinen aılasyn asyrdy.

«Fınaldyq báseke óte tartysty boldy. Birinshi sette ese jibergennen keıin ekinshi partııada joǵary oıyn deńgeıin kórsete aldym. Qorytyndysynda jeńiske jetip, jekeleı synda 2024 jyldaǵy alǵashqy tıtýlyma qol jetkizgenime qýanyshtymyn», - dedi Zańǵar Nurlanuly.

Bul – Z.Nurlanulynyń jekeleı synda ITF Juniors jarystaryndaǵy úshinshi tabysy. Ótken jyly ol Armenııa men Slovakııada dál osyndaı dodalarda úzdik shyqqan edi.

Eske sala keteıik, budan buryn Aleksandr Býblıktiń Madrıd masters týrnıriniń úshinshi aınalymyna shyqqanyn jazǵan bolatynbyz.

Sondaı-aq Jibek Qulambaeva Týnıstegi týrnırdiń jeńimpazy atandy.