Zańǵar Nurlanuly bıylǵy úshinshi tıtýlyn jeńip aldy

<p>ASTANA. KAZINFORM - Qazaqstandyq Zańǵar Nurlanuly Latvııanyń Aızkraýkle qalasynda jasóspirimder arasynda ótken ITF J100 týrnıriniń chempıony atandy.</p>

Jasóspirimder arasynda álemniń 77-raketkasy, 16 jastaǵy tennısshi fınalda nıderlandylyq, reıtıngide 165-orynda turǵan Haıde Shonmarkspen kezdesti.

Zańǵar qarsylasyn 6:3, 6:2 esebimen tize búktirdi.

Ótken jyly Zańǵar osy jarysta fınalǵa deıin jetken edi.

Bul - qazaqstandyq tennısshiniń sporttyq jolyndaǵy ITF Juniors dodalaryndaǵy besinshi, bıylǵy úshinshi tıtýly.

Eske sala keteıik, budan buryn Ámir Omarhanovtyń Meksıkadaǵy jarystyń jeńimpazy atanǵanyn jazǵan bolatynbyz. Qazaqstandyq tennısshi Ámir Omarhanov reseılik Tımofeı Derıpaskomen birge juptyq synda jeńimpaz atandy.