Zańǵar Nurlanuly Azııa tennıs federatsııasy reıtıngisinde kósh bastady

<p>ASTANA. KAZINFORM - Azııa tennıs federatsııasynyń 16 jasqa deıingi jasóspirimder arasynda jańartylǵan reıtıngisinde Zańǵar Nurlanuly birinshi orynǵa kóterildi.</p>

Qazaqstan tennıs federatsııasynan málim etkenindeı, 15 jasar tennısshi upaı sanyn 2 610-ǵa jetkizdi.

Mamyr aıynda jasóspirimder arasynda Devıs kýboginiń Azııa - Tynyq muhıt aımaǵy boıynsha irikteý kezeńinde Qazaqstan quramasy sapynda Zańǵar jekeleı synda alty kezdesý ótkizip, bárinde jeńiske jetti. Ol qarsylastaryna birde-bir set bergen joq.

Qazirgi kezde Zańǵar Nurlanulynyń enshisinde ITF Junior jarystarynda jeńip alǵan 4 tıtýly bar, sonyń úsheýinde jekeleı, bireýinde juptyq synda qol jetkizgen.

Eske sala keteıik, budan buryn qazaqstandyq jasóspirim tennısshilerdiń Azııa chempıonatynyń fınaldyq kezeńine shyqqanyn jazǵan bolatynbyz.