Zańǵar Noǵaıbaı «KAZENERGY» qaýymdastyǵynyń atqarýshy dırektory boldy
Zańǵar Noǵaıbaı 1979 jyly týǵan. Quqyq magıstri, zań ǵylymdarynyń doktory. 1999 jyly Qazaq memlekettik zań ýnıversıtetin aıaqtady, 2000 jyly - magıstratýra, 2005 jyly Bremensk ýnıversıtetiniń doktorantýrasyn bitirgen.
Eńbek jolyn 2000 jyly Qazaq memlekettik zań ýnıversıtetinde oqytýshy retinde bastady, tehnıkalyq yntymaqtastyq boıynsha German qoǵamdastyǵynyń QR-daǵy quqyqtyq reformaǵa járdemdesý jobasynyń ulttyq úılestirýshisi boldy. Ár jyldary QR BǴM «Halyqaralyq baǵdarlamalar ortalyǵy» AQ Іrikteý jáne aqparattyq súıemeldeý departamenti dırektory, QR MQІA memlekettik qyzmet týraly zańnamany jetildirý bóliminiń bas sarapshysy, bólim meńgerýshisi, «Samuryq-Qazyna» ulttyq ál-aýqat qory» AQ Normatıvtik jáne quqyqtyq jumystar departamenti dırektorynyń orynbasary boldy.
2008-2009 jj. «KEGOC» AQ Dırektorlar keńesiniń múshesi, QR EMRM zań departamentiniń dırektory, sondaı-aq zań kompanııalary men jeke kommertsııalyq qurylymdarda basshylyq laýazymdarda jumys istegen.
2013-2014 jj. - QR Ulttyq kásipkerler palatasy basqarmasynyń múshesi, basqarma tóraǵasynyń orynbasary.
«KAZENERGY» qaýymdastyǵynyń dırektory bolyp taǵaıyndalǵanǵa deıin QR Ulttyq kásipkerler palatasy basqarmasy tóraǵasynyń keńesshisi, QR UKP Tórelik jáne aralyq talqylaý ortalyǵy basqarýshy keńesiniń múshesi bolǵan.