Zańdy tulǵalar bankten sheship alatyn aqshanyń shekti kólemin bekitý qajet - Elbasy
15:57, 30 Qańtar 2019
ASTANA. QazAqparat - Zańdy tulǵalar bankten sheship alatyn aqshanyń shekti kólemin bekitý qajet. Bul týraly búgin Úkimettiń keńeıtilgen quramdaǵy otyrysynda Elbasy Nursultan Nazarbaev aıtty.
«Zańdy tulǵalar bankterden sheship alatyn qolma qol aqshanyń shegin bekitý qajet. Ulttyq bankpen birge muny zerdeleý kerek. Kólik, úı syndy iri satyp alýlarda qolma-qol aqsha júrmeýi tıis. Ol jaqta jasyryn mámile bar», - dedi Elbasy.
Memleket basshysy jeke tulǵalardyń bıýdjetke qomaqty aqsha qaryz ekendigin jáne ony áli kúnge ótemeı otyrǵandyǵyn atap ótti.
«Búginde 1,3 mln jeke tulǵa bıýdjetke kólik, múlik jáne jer salyǵyna qaryz. Bul 17 mlrd teńgeden astam qarjy, onyń 5 mlrd teńgesin eseptelingen ósimpul qurap otyr. Men buǵan deıin de aıtyp, Úkimetke negizgi salyqty tóleıtin bolsa, onda jeke tulǵalarǵa osynaý 5 mlrd teńge ósimpuldy alyp tastaıtyn salyqtyq raqymshylyq júrgizýdi tapsyrǵanmyn», - dedi QR Prezıdenti.