Zańdastyrylmaǵan sheteldik kólikpen júrý múmkin be

ASTANA. QazAqparat – Shetelden ákelingen kólikti zańdastyrýǵa memleketten usynylatyn jeńildik elge 2022 jyldyń 1 qyrkúıeginen keıin kirgizilgen avtomobılderge berilmeıdi. Bul týraly ІІM Ákimshilik polıtsııa komıteti tóraǵasynyń mindetin atqarýshy Qaısar Sultanbaev aıtty, dep habarlaıdy QazAqparat tilshisi.

«1 qyrkúıekten keıin shetelden kólik ákelgen, sol kólikti osy shara aıasynda zańdastyryp alǵysy keletinder ne isteýi kerek?» - dep surady jýrnalısterdiń biri ortalyq kommýnıkatsııalar qyzmetinde ótken brıfıngide.

Komıtet basshysy memleket usynatyn jeńildik 2022 jyldyń 1 qyrkúıegine deıin kirgizilgen kólik ıelerine ǵana usynylatynyn eske saldy.

«Prezıdent anyq aıtty ǵoı, zańdastyrý tek 2022 jyldyń 1 qyrkúıegine deıin ákelingen kólikterge ǵana usynylady. Al, 1 qyrkúıekten keıin ákelip, zań boıynsha zańdastyrmaǵan kólikter bizdiń joldarda júre almaıdy. Óıtkeni, olar bekitilgen tártip boıynsha tirkelmegen. Jol qozǵalysyna erkin qatysý úshin kólikti tıisti tártippen tirkeýden ótkizý kerek – memlekettik nómir alyp, kóliktiń tirkelgeni týraly kýálik rásimdeý qajet. Bul qujattar bolmasa, jol qozǵalysyna qatysýǵa haqyńyz joq. Zań boıynsha jaýapkershilik arqalaısyz. Ákimshilik kodeks boıynsha 1-ret ustalǵanda 10 aılyq eseptik kórsetkish, qaıtalap ustalǵan jaǵdaıda 20 AEK aıyppul salynady nemese kólik júrgizý quqyǵynan 1 jylǵa aıyrý jazasy qoldanylady», - dedi Qaısar Sultanbaev.

Buǵan deıin ІІM Ákimshilik polıtsııa komıteti tóraǵasynyń mindetin atqarýshy Qaısar Sultanbaev zańdastyrýǵa jatatyn kólik ıeleri 200 myń teńgelik alymnan basqa qandaı tólemder jasaıtynyn aıtty.

Sondaı-aq, zańdastyrýǵa jatatyn kólikterdiń Qazaqstanǵa kirgen kúni qalaı aıqyndalatyny málim boldy.

Memleket usynǵan múmkindikti paıdalanbaı, sheteldik kóligin zańdastyrmaǵan adamdar úshin eki-aq jol bar ekeni aıtyldy jáne rýli oń jaqtaǵy kólikterdi zańdastyrý qajettigi neden týyndaǵany túsindirildi.