Zańdardyń qazaqsha nusqasy túsiniksiz bolsa, keri qaıtaramyz – Ádilet mınıstri

<p>Ádilet mınıstri Azamat Esqaraev zańdardyń memlekettik tildegi mazmunyna baılanysty pikir bildirdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Zańdardy Ádilet mınıstrliginde tirkegen kezde memlekettik nusqasyna saraptama jasaısyzdar ma? Óıtkeni qazaqsha zańnyń túsiniksiz ekeni týraly shaǵym kóp. Eger zańnyń memlekettik tildegi nusqasy túsiniksiz, sapasyz bolsa, keri qaıtara alasyzdar ma?», – dep surady jýrnalıst vedomstvonyń brıfıngisinde.

Azamat Esqaraevtyń aıtýynsha, mınıstrlikte ondaı quzyret bar.

«Qoldanystaǵy zańnama boıynsha ár mátinde, ár tilde jazylǵan tekst halyqqa túsinikti, qoldanýǵa jeńil bolýy kerek degen talap kózdelgen. Eger memlekettik tilde olqylyqtar bolsa, tıisti mamandar men sarapshylar sol olqylyqtardy anyqtasa, ondaı zań jobasyn tirkeýden bas tartamyz. ıAǵnı, ony bastamashy bolǵan organǵa qaıtaramyz», – dedi ol.

Vedomstvo basshysy memlekettik tildegi nusqasynyń sapasyz bolýyna baılanysty keri qaıtarylǵan zańdardyń statıstıkasy júrgizilmeıtinin aıtty.

«Zań jobalary tek bir tildegi mazmuny boıynsha ǵana emes,zańnamadaǵy ózge talaptarǵa sáıkestigi boıynsha saraptalady. Sondyqtan naqty memlekettik tildegi mazmuny boıynsha statıstıka júrgizbeımiz», – dedi Azamat Esqaraev.

Sondaı-aq ol Konstıtýtsııanyń qazaq tilindegi nusqasy zań tiline saı dep esepteıtinin aıtty.