Zańbuzýshylyqtarǵa jol bergen «Haıvıl Qazaqstan» JShS-ǵa 4 mln. teńge aıyppul salyndy

ASTANA. QazAqparat - Astana qalasynyń «Almaty» aýdany prokýratýrasymen jumysshylardyń aryzdanýy boıynsha «Haıvıl Qazaqstan» JShS-nde eńbek zańnamasynyń saqtalý jaǵdaıyna baılanysty tekseris júrgizildi.

Bul týraly «Almaty» aýdany prokýrorynyń aǵa kómekshisi Lımara Jolamanova habarlady.

Tekseris barysynda Seriktestiktiń, sondaı-aq jumys berýshilerdiń tarapynan qyzmetkerlerdiń quqyqtaryn óreskel túrde buzý faktileri anyqtaldy.

Atap aıtqanda, Qazaqstan Respýblıkasynyń Eńbek kodeksiniń 22-babynyń 1-bóliminiń 15-tarmaǵyna sáıkes, jumysshy birdeı eńbegi úshin qandaı da bolmasyn kemsitýsiz birdeı aqy alýǵa quqyly.

Sonymen qatar, azamattardyń birdeı eńbegi úshin qandaı da bolmasyn kemsitýsiz birdeı aqy alýǵa quqyǵy Qazaqstan Respýblıkasynyń Konstıtýtsııasynyń 24-babynyń 2-bóliginde jáne Adam quqyqtarynyń jalpy deklaratsııasynyń 23-babynda bekitilgen.

Konstıtýtsııanyń normalaryn óreskel buzý jáne jumys berýshilerdiń tarapynan otandyq jumysshylardy kemsitýshilik bolyp otyrǵandyǵyna qaramastan, laýazymdarynyń jáne eńbek kóleminiń teńdeı jaǵdaıynda qazaqstandyq jumysshylardyń jalaqysy sheteldik mamandardyń jalaqysynan edáýir tómen bolyp otyr.

Qazaqstan Respýblıkasynyń Konstıtýtsııasynyń 14-babymen tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine baılanysty nemese kez kelgen ózge jaǵdaıattar boıynsha eshkimdi eshqandaı kemsitýge bolmaıtyndyǵy bekitilgen.

Sondaı-aq, tekseris barysynda jumys berýshimen ótemaqy jáne eńbek demalys aqysyn tóleýdiń Kodekstiń 105-babymen bekitilgen merzimderi júıeli túrde buzylatyndyǵy anyqtaldy.

Joǵaryda atalǵan zańbuzýshylyqtarǵa qosa, Sheteldik eńbek kúshin tartý úshin jumys berýshilerge ruqsat berýdiń erejeleri men sharttary jáne mindetti áleýmettik saqtandyrý týraly zańnamany buzýdyń faktileri anyqtaldy.

Tekseris nátıjesi boıynsha Seriktestikke jáne onyń jetekshilerine 4 mln. teńge mólsherindegi ákimshilik aıyppul salyndy, sheteldik jumys kúshin tartýǵa ruqsatnama keri alyndy jáne jumys berýshige jumysshylardyń quqyqtaryn kemsitýshilikti jáne jergilikti jáne sheteldik mamandardyń arasynda jalaqyny úlestirýde zańdylyqty buzýshylyqty joıý týraly usynys engizildi.