Zań jobasy: Nesıe tólemin kimder keıinge shegere alady

<p>ASTANA. KAZINFORM &ndash; Qarjy naryǵyndaǵy tutynýshylardyń quqyǵyn qorǵaýǵa arnalǵan jańa zań nesıe tóleýde qıyndyqqa tap bolǵan keıbir azamattarǵa tólem merzimin keıinge qaldyrýǵa múmkindik beredi.</p>

Májiliste zań jobasyn tanystyrǵan Qarjy naryǵyn retteý jáne damytý agenttiginiń tóraǵasy Mádına Ábilqasymova merzimi ótken kredıtterdiń máselesin retteý kezinde halyqtyń áleýmettik osal toptaryna jatatyn adamdar men tótenshe jaǵdaı saldarynan zardap shekkenderdi qosymsha qorǵaý usynylyp otyrǵanyn aıtty.

«Osy sanatqa jatatyn azamattar úshin bereshekti retteý kezinde qaryzdar men mıkrokredıtter boıynsha tólem merzimin mindetti túrde keminde 3 aı merzimge keıinge qaldyrý, sondaı-aq aı saıynǵy tólemdi 50 jáne odan da kóp paıyzǵa azaıtý kózdeledi. Qaryz alýshy-jeke tulǵalardyń quqyqtaryn qorǵaý úshin banktik qaryzdardy merziminen buryn ótegeni úshin aıypaqy alýǵa tyıym salynady. Mıkrokredıtti qaıtarmaǵany úshin aıypaqyny qospaǵanda, azamattardyń mıkrokredıtteri boıynsha kez kelgen aıypaqy óndirip alýǵa tyıym salynady», - dedi ol.

Onyń aıtýnysha, atalǵan norma bankten qaryz nemese mıkrokredıt alý úshin jasalatyn saqtandyrý sharttarynyń saqtandyrý komıssııasy 10% sheginde belgilenedi.

«Tutynýshylardy májbúrlep júktelgen qarjy ónimderinen qorǵaý maqsatynda, qarjy uıymdarynda qarjy ónimderin ázirleý men engizýdiń ishki rásimderiniń bolý talaby engiziledi», – dedi agentik basshysy.

Sondaı-aq, ol tutynýshylardyń ýaqtyly keri baılanys alýy úshin qarjy uıymdarynyń klıentterdiń ótinishterin 15 jumys kúni ishinde qaraýy kerek bolatynyn aıtty.

Osyǵan deıin Birikken Arab Ámirlikteri Qazaqstanda ámbebap bank ashqaly jatqany týraly jazdyq.