Zań buzǵan kásipkerdi túrmege qamamaı, eselengen aıyppulmen jazalaý kerek - Rýstam Júrsinov

ASTANA. QazAqparat – Kásipkerlerdiń quqyqtaryn qorǵaý jónindegi ýákil Rýstam Júrsinov zań buzǵan kásipkerlerdi túrmege qamamaı-aq eselengen aıyppulmen jazalaýdy usyndy, dep habarlaıdy QazAqparat tilshisi.

«Biz jazyqty kásipkerlerdi túrmege qamaýdan góri aıyppul arqyly kóbirek jazalaý kerek dep sanaımyz. Zańdy buzǵan eken, zııan keltirgen eken –qylmystyq jolmen tapqan paıdaasynan eki-úsh ese kóp aıyppul tólesin. Esesine kásipker bıznesti abaqtyǵa aıyrbastamaı, jumys oryndaryn saqtaıdy, salyq tólep, qoǵam men memleketke paıda ákeledi», - dedi ýákil prokýratýra organdarynyń kásipkerlermen kezdesýinde.

Aıtýynsha, mundaı usynys kásipkerlerden túsken kórinedi.

«Óńirlerge barǵanda bıznes ókilderi jemqorlar nege aıyppulmen qutylyp, kásipkerlerdiń túrmege qamalyp jatqanyn suraıdy. Ne dep jaýap bererimizdi bilmeımiz. Sondyqtan, biz jaýapkershiliktiń qarjylyq tetikterin damytýdy usynamyz. Jazanyń balama túrlerin engizý kerek. Eń áýeli, birneshe eselengen aıyppul salynsyn. Sol aıppyuldy tólemegen jaǵdaıda ǵana bas bostandyǵynan aıyrý kerek», - dedi Rýstam Júrsinov.

Foto: gov.kz