Zań boıynsha eldiń burynǵy prezıdentiniń jeke basyna tıisýge, ar-ojdanyna qol suǵýǵa bolmaıdy - mınıstr

ASTANA. QazAqparat – QR Ádilet mınıstrligi zańnamadaǵy Elbasyǵa baılanysty normalardy túzetý jóninde usynys ázirleıdi. Bul týraly vedomstvo basshysy Parlament palatalarynyń birlesken otyrysynan keıin BAQ ókilderiniń suraǵyna bergen jaýabynda aıtty, dep habaralaıdy QazAqparat tilshisi.

«Ǵylymı, áleýmettik, mádenı baǵyttaǵy jáne basqa da salalyq zańdarda tıisti normalar kózdelgen. Qazir bul máseleni keshendi túrde qarap, pysyqtaımyz. Sodan keıin tıisti usynystarmen shyǵamyz», - dedi mınıstr.

Onyń aıtýyna qaraǵanda, qoldanystaǵy Prezıdent týraly Konstıtýtsııalyq zań eks-prezıdentterge kepildikter beredi.

«Birinshiden, olar áleýmettik qamsyzdandyrý, eks-prezıdenttiń kúzeti, kólik qyzmetin kórsetý jóninde, qyzmettik saıajaı men páter boıynsha naqty normalar qarastyrylǵan. Eks-prezıdenttiń jeke basyna, onyń ar-ojdany men mártebesine qol suǵýǵa bolmaıdy jáne ondaı qol suǵý zańmen qýdalanady», - dedi mınıstr.